1st Chapter
Introduction & Beginning
Toh friends kahani k shuruaat up se pahle story k leading or mai characters se introduce karwata hoon kyunki story inhi k aas paas ghoomegi.
1 )Vishambhar Rathore - Retired Colonel from Indian Army or Indore sheher k mashhoor business woman k sohar.
Age:- 57
2 )Ambika Rathore - yaani Mrs Rathore or apne zamane k famous bussiness tycoon Late Ambar Khurana ki eklauti beti or aaj ki tareekh mein MP state ki no.1 bussiness woman.
Age:- 55
3 )Ajinkya Rathore - Mr & Mrs Rathore kaa bada beta joo Indian Army mein Lieutenant hain.
Age:- 27
4 )Vishal Rathore - Ajinkya kaa chhota bhai or India kaa rockstar jiske millions fan following hain.
Age:- 24
5 )Nidhi Agarwal - Vishal ki fiance or supermodel.
Age:- 23
6 )Namrata Agarwal - Nidhi ki maa or apne zamane ki top actress reh chuki hai.
Age:- 56
7 )Rishiraj Agarwal - Nidhi k papa or India k richest industrialist.
Age:-57
Aage ki story k hisaab se baaki k kirdaar judte jaayenge lekin yeh log hi humare leading characters hai.
[
Chapter 1 begins]
Rathore Mansion
9 AM
Subah k time Bungalow k hall mein breakfast table pr baithe Vishambhar newspaper ki headlines padhne mein mashgul thhay tabhi Ambika ne aakar unke haath se newspaper chheen liya.
Vishambhar :- Aray yeh kya kr rahi hoo zaruri headlines padh raha thaa laao samacharpatr(newspaper) wapas karo muze padhna hain.
Ambika :- Bilkul nahin aapka naashta lag chuka hain or naashte k time keval(only) naashta no newspaper aur no headlines, ab aap chup chap naashta karenge or office k liye rawana hongey.
Vishambhar :- Ambika tumhe pata hain na ki muze tumhare bussiness mein koi interest nahin but tum hoo ki muze baar baar iss mai involve kr leti hoo or mai bhi tumse mohabbat karta hoon isliye tumhe naa nahin keh paata achha faayada uthati hoo mere mohabbat kaa.
Ambika :- Jaanti hoon Vishu ki aap swabhimaani hai or khud ki mehnat pr believe karte hai lekin jaanu aap hi bolo mai ghr or bussiness dono kese akele sambhaalti or aap jab army mein thhay toh zyadatar aap border pe hi rehte thhay or mai yahan akeli hamarey dono bachhon koo or Papa k bussiness koo bhi akeli dekhti thi lekin ab nahin hota mujhse, kya aapka farz nahin banta ki ab aap retirement k baad mere Papa k empire koo sambhaalein aakhir yeh sab unke baad aap hi kaa toh hain.
Vishambhar :- Ok ab yeh emotional baatein band karo tumhari lambi lecture k dauraan mene breakfast kr liya hain or mai ab nikal raha hoon but haan shaam koo jaldi ghr aa jaaunga aaj pata hain na kya hain ??
Ambika :- Ek ammi se poochh rahe hai ki kya hain, aaj kaa din mai bhul sakti hoon bhala ! Aaj hamara Ajinkya 27 year kaa hoo gyaa hain or sone pe suhaaga yeh ki woh aaj hi lambi chhutti pr wapas apne ghr laut raha hain sach mene toh uske swaagat ki saari taiyariyan kr rakhi hai.
Vishambhar :- Ok mai late hoo raha hoon toh nikalta hoon shaam koo milte hai or haan apne chhote sahaab zaade koo kam se kam aaj k din wakt pr uthkar taiyaar rehne koo kahiyega aaj k din mai uski koi nawaabi harqat bardaasht nahin karunga woh rockstar hoga ghr k baahar lekin yahan uski ek nahin chalegi bol deta hoon.
Ambika :- Uffff ! Ab gussa mat kijiye or befikar rahiye Vishal uth gyaa hain or nahakar aata hi hoga or fir usko uske agle concert ki bhi toh taiyaari karni hain.
[Vishambhar office k liye nikal jaata hain or Ambika ghr k servants k saath shaam ki birthday celebration ki taiyariyon mein jut jaati hai.]
Beginning continues
(Vishal fresh bath lene k baad ready hokar sidha hall mein pahunchta hain or apni ammi koo aawaaz deta hain)
Vishal :- maa I am getting late jaldi aaiye please.
fir apni personal cook Margaret koo aawaaz deta hain - Margaret maira breakfast ready hain bhi ya nahin tabhi Margaret pichhe se macaroni pazzta lekar aati hain or table pr serve karke chali jaati hain or Vishal nashta karne lagta hain.
Ambika :- Good morning chhote Vishu.
Vishal :- maa please kyun good morning koo bad morning bnaa rahi hoo or aapko kitni baar kaha hain ki muze chhote Vishu mat bulaiye call mai Vishal after all I am a rockstar not a rude disciplined Army man.
Ambika :- Aisa nahin kehte beta woh tumhare Papa hai or fir society mein unki kitni respect hain poora nation unpe garv mehsus karta hain or fir Ajinkya bhi toh army mein hi hain.
Vishal :- Ok maa ab aap mat shuru hoo jaiye waise bhi muze in baaton mein koi interest nahin, Ok mai chalta hoon or bhaiya aa jaaye toh muze call zarur karna mene bhi unke liye surprise plan kiya hain usi ki taiyaari karne jaa raha hoon. Ok bye maa & luv u.
(gaal pr kiss kr chala jaata hain or Ambika bhi luv u too beta kehkar usey bye kehti hain)
Indian Army Battalion Camp
10:30 AM
Jammu & Kashmir
(Saare fauji naujawan apna apna luggage pack kr chuke thhay or ekdusre se galey mil kr vida le rahe thhay sabke chehre pr khushi dekhte hi ban rahi thi 8 mahine ki regular duty k baad sab ghr joo jaa rahe thhay. Usi camp k paas headquarter mein apne kamare(room) mein ek Lieutenant apna luggage almost pack kr chuka thaa or uske haath mein ek family photo frame thaa jise woh gaur se dekhe jaa raha thaa tabhi uske kamare(room) mein koi daakhil huaa jis se uska dhyan us oar gyaa.)
Major General :- Janamdin ki bahoot bahoot mubarak Lieutenant Ajinkya Rathore.
Ajinkya :- Thank you so much Sir aapko yaad thaa maira birthday !!
M G :- Kyun yaad nahin rahega my son puri battalion koo tum jaise veer naujawan pr naaz hain or fir itni kam umar mein tumne itne bade missions koo anjaam diya hain toh waise bhi surkhiyon mein toh bane hi rehte hoo tum.
Ajinkya :- Thank you Sir yeh mere liye garv ki baat hain or fir mai joo kuch bhi hoon apne Papa ki wajah se hoon woh hi toh mere adarsh hai unhi se muze prerna milti hain vatan seva ki.
M G :- Ok my son have a safe and great journey or mai tumhare ujjwal bhavishya ki kaamna karta hoon muze bhi as a senior tumse bahoot ummeedein hain beta bye & take care of yourself.
Ajinkya :- Yeah Sir ! mai bhi aapko nirash nahin karunga or salute karta hain or apna bag lekar nikal padta hain ghr k liye.
(Idhar Vishal apni reahersal site pe apne friends k saath shaam koo Ajinkya k birthday ki surprise plan kr raha hota hain or unke after party plan kaa bhi discussion chal raha hota hain tabhi Nidhi wahan aa jaati hain or Vishal koo uski female friends se ghira huaa paati hain jise dekhkar usey gussa aa jaata hain or woh zor se Vishal koo pukaarti hain)
Nidhi :- Vishal !
(Sabki nazrein Nidhi pr chali jaati hai or Vishal apne female friends or baaki k friends koo jaane kaa ishara karta hain or shaam koo party mein milne koo bolkar Nidhi k paas aata hain)
Vishal :- Hi Nidhi. mai tumhe hi call karne waala thaa actually mene bhaiya k welcome k liye ek song taiyaar kiya hain usi pe kaam kr rahe thhay or fir ek dhamakedaar surprise bhi plan kiya hain or sabse interesting pata hain kya unki celebration k baad hmari apni late night party kaa bhi programme hain jaanemann toh batao kaisa laga maira idea ??
Nidhi :- Vishal tum apni harkaton se baaz nahin aaoge na ! Jab dekho tab dusri ladkiyon k saath chipke rehte hoo or mai kuch kehti hoon toh hamesha kisi na kisi bahane se baat koo taal dete hoo or yeh late night party ki kya zarurat hain hum tumhare bhaiya k birthday celebrate karne waale thhay bss toh yeh sab kyun ??
Vishal :- Dekho Nidhi mai ek rockstar hoon or ladkiyon kaa mere aas paas chakkar kaatna yeh bahoot mamuli baat hain so ispe itna overreact karne ki zarurat nahin hain or tum muze lekar itni possessive kyun hoo jaati hoo mitr hmari keval(only) engagement huyi hain shaadi nahin joo tum itna haq jata rahi hoo don't behave like a typical Indian wife please.
Nidhi :- Agar tum rockstar hoo toh mai bhi supermodel hoon but tumhari tarah pesh nahin aati, celebrity hone kaa yeh matlab nahin hain Vishal ki hum shoharat ki chakachaundh mein andhe hoo jaayein or apne relations ki qadar karna chhodd dein mai tumhari mangetar hoon or maira mohabbat tumhe possession lagta hain ??
Vishal :- Oh God ! Tumhari yahi baat muze irritate karti hain zara apne aapko dekho or muze dekho we both are celebrities lekin tumhari soch or meri soch mein kitna farq hain tum hamesha feelings, relations, trust or pata nahin kin kin baaton pe lectures deti hoo come on mitr yeh sab casual things hai celebrity ki life mein mai jahan keval(only) stardom, career, mauj masti in sab pe focus karta hoon wahin tum apni yeh purani zamane ki out dated issues k baare mein sochti rehti hoo.
(Nidhi yeh sab sunkar rone lagti hain or bolti hain)
Nidhi :- Meri soch out dated nahin hain Vishal balki tumhari soch ghatiya hain or kya muze samajh nahin aata tum modern hone k naam pr kya kya aiyaashiyaan karte hoo muze toh lagta thaa ki saayad tumhare hardiya(heart) mein mere liye thoda bahoot mohabbat or respect toh hoga hi lekin tumhe toh apni stardom kaa itna guroor hain ki tumhe kisi ki parwaah nahin siway khud k you're so selfish and mean mai aaj hi maa se jaakar humare is anchaahe rishte koo khatam karne ki baat karungi muze tum jaise aadmi k saath ek Min. bhi nahin bitana saari zindagi toh bahoot dur ki baat hain.
Vishal :- Haan toh jaao na jaao keh doh muze bhi tum jaisi ladki k saath relationship mein nahin rehna joo keval(only) dikhne mein modern or hot hoo but soch se utni hi old fashioned or typical sanskaari mindset waali.
(Nidhi wahan se rote huay daud kr chali jaati hain ki tabhi uska phone bajta hain screen pr uski maa kaa naam hota hain jise woh dekh normal hoti hain apne aansu pochhti hain or call receive karti hain)
Nidhi :- Hello Mumma boliye.
Namarata :- Hello Nidhi kahan hoo tum beta jaldi ghr aao aaj shaam koo tumhare jeth ji k birthday party mein bhi toh jaana hain or Vishal se mili ki nahin jamaayi ji bhi bade excited hai is party koo lekar Ambika bata rahi thi, jaldi ghr aa jaao tumhare Papa k aate hi hum ready hokar nikal jaayenge humein sabse pahle joo pahunchna hain wahan.
Nidhi :- pr maa muze aapse kuch zaruri baat karni hain. Namrata beech mein uski baat kaat te huay boli - joo bhi baat karni hain party k baad hi karna kyunki aaj mai or Ambika bhi kuch special karne waale hai so don't be late ok come fast or call disconnect kr deti hain.
(Nidhi sochti hain ki ab Namrata or Ambika kya special karengi or car mein baith ghr ki taraf chal deti hain)
(Yahan Rathore Mansion mein saari taiyariyan hoo chuki thi bss ab Ajinkya k aane ki dair thi. Ambika bss haath mein aarti ki thaali liye Ajinkya k swagat k liye khadi thi or tabhi Ajinkya gate se andar aane hi waala hota hain ki Ambika usey rok deti hain or uske nazdeek aati hain.)
Ambika :- Ruk jaa Ajinkya or uspe pavitra ganga jal chhiddakti hain or aarti karti hain nazar utaarti hain or chhote mote rituals karke usko andar aane koo bolti hain - Ab aaja or aarti ki thaal side mein rakhkar usey galey se laga leti hain or rone lagti hain.
Ajinkya khud koo alag karte huay uske payr chhuta hain or kehta hain - ammi yeh kya mai itne mahino baad ghr lautkar aaya hoon or aap smile karne k bajaaye ro rahi hai please yeh aansu pochhiye or ab muskurayie.
Ambika :- Aansu pochhte huay kehti hain kese na roun tumhari kitni yaad aati hain or fir chinta bhi toh lagi rehti hain ki tuze kahi kuch hoo na jaaye fir tu phone bhi nahin karta zyada wahan se beta saari zindagi tere Papa ki salamati k liye prarthna karti aayi hoon or woh qubool bhi huyi but ab tere liye hardiya(heart) darta hain raat din bss tere surakshit rehne ki maang karti hoon beta meri baat maan chhodd de na yeh naukri or apne nana ji k bussiness koo sambhaal na usmein kya burayi hain aakhir uski zimmedari bhi toh kisi koo leni hongi.
Ajinkya :- ammi aaiye yahan baithiye is time aap keval(only) ek ammi bankar soch rahi hai issliye aisi baatein kr rahi hai mai fresh hokar aapse milta hoon waise bhi lambe safar se thak gyaa hoon toh thoda aaraam kr loon fir baat karta hoon.
Ajinkya ki is masoomiyat pr Ambika boli :- Achha jaa aaraam kr le or haan shaam koo taiyaar hokar aa jaana tere birthday koo celebrate karne k liye hum sabne party organise ki hain or tu aayega mai kuch nahin sunungi.
(Ajinkya muskura kr haan mein sar hilata hain or kamare(room) mein fresh hone chala jaata hain)
Chapter - 2
Birthday Party & Surprise Announcement
(Nidhi apne bungalow pr pahunch jaise hi ghr mein kadam rakhti hain usey kuch make up artists or parlour girls nazar aati hai or saath hi uski costume designer bhi usey dikhi.)
Nidhi :- Meghna tum yahan is time !!
Meghna :- Ji madam woh Namrata mam ne bulaya thaa unhonein muze aapke liye ek dress design karne kaa order diya thaa wahi lekar aayi hoon or mam ne inko bhi saath laane k liye kaha thaa toh le aayi.
Nidhi :- Mumma ne dress order karwayi hain !! Toh kahan hain woh dress ??
Namrata :- Tumhare kamare(room) mein jaao or dekh lo aaj party mein tum wahi dress pehenogi.
Nidhi :- lekin mumma aap kam se kam muze bata toh deti.
Namrata :- Theek hain tab nahin bataya pr ab toh bata diya na waise bhi mai yeh baat tumse chhupa kr hi rakhna chahti thi socha tumhe surprise dungi toh tum khushi se uchhal padogi but tum toh ukhdi ukhdi si lag rahi hoo koi baat nahin ek baar apni brand new dress dekhogi toh titli ki tarah khushi se udne lagogi, jaao beta wakt kam hain mai bhi taiyaar hone jaa rahi hoon or tum ready hoo jaao ok tumhare Papa aate hi honge unke aate hi hamein nikalna hain. Go go khadi mat raho.
(Kehte huay Namrata taiyaar hone chali gayi or Nidhi apni maa ki chehre ki smile dekhkar kuch keh na saki or unki chehre ki muskaan bani rahe isliye apne kamare(room) ki taraf chal di ready hone)
(Yahan Vishambhar office se daude daude ghr aaye or sidhe Ajinkya k kamre ki taraf jaane lage tabhi Ambika ne unka haath pakad unko rok liya.)
Vishambhar :- Arey yeh kya kr rahi hoo haath chhoddo muze apne bete se milna hain or tumhe romance sujh raha hain woh bhi is umar mein.
Ambika hans padi or boli - Aap bhi na bade buddhu hai mai koi romance nahin kr rahi mene toh aapko roka hain kyunki Ajinkya aaraam kr raha hain journey se thaka haara aaya hain toh thoda rest karne dijiye usey or fir shaam koo toh party mein aayega hi tab mil lijiyega.
Vishambhar koo baat jach gayi or bole - Chalo yeh bhi theek hain but tum toh mil li na or tumhari aankhein bata rahi hai ki khub ganga jamuna bahayi hoo. Aray tum toh nahak hi ghabrati hoo woh maira beta hain X Army Colonel Vishambhar kaa usey kabhi kuch nahin hoo sakta.
Ambika :- bss bss ab apni military giri koo thandey bastey mein daaliye or jaaiye ready hoo jaaiye kuch hi dair mein mehmaan aane shuru hoo jaayenge or Nidhi or uske gharwale bhi aate hi hongey.
Vishambhar :- Ok woh sab toh theek hain but apne chhote laadley koo toh bata diya hain na ki Ajinkya aa gyaa hain or fir yeh keval(only) Ajinkya k liye hi nahin uske liye bhi khas din hain aakhir kr uski life kaa sabse bada decision hum lene waale hai.
Ambika :- Aray mene usey bata diya hain aap toh uske pichhe hi padd jaate hai haath dhokar Vishu please mujhse vaada kijiye aaj aap gussa bilkul nahin hongey or Vishal se bhi usi tarah behave karenge jis tarah Ajinkya koo maante hai.
Vishambhar na chahte huay bhi vaada kr deta hain or kehta hain - Mujhse toh vaada le liya tumne ab ek vaada apne raees zaade se bhi le lena ki aaj k din aisi koi bhi harqat na kare jiske chalte mahaul kharab hoo jaaye or mai apne aape se baahar chala jaaun.
(Shaam k 6 baj chuke thhay or Ambika or Vishambhar khud mehmaano koo personally welcome kr rahe thhay tabhi Ambika side mein gayi or Namrata koo call kiya or idhar se Namrata ne receive kiya)
Ambika :- Hello Nammu kahan hoo tum log ghr se nikle bhi ya nahin yahan guests aana shuru hoo gaye hai.
Namrata :- bss hum log nikalne hi waale hai Rishi aa chuke hai bss kuch hi minutes mein hum wahan honge or Ajinkya se bhi mil lenge or apna surprise announcement bhi karenge sach mai toh bahoot excited hoon Ambi mujhse toh intezaar hi nahin hoo raha.
Ambika :- Toh mujhse bhi kahan hoo raha hain mitr tum log jaldi aao thodi dair mein party shuru hoo jaayegi Ajinkya or Vishal bhi taiyaar hokar aate hi honge ok mai phone rakhti hoon bye.
Namrata :- Bye ! Turant pichhe mudti hain toh Rishiraj usey mohabbat bhari nazron se dekh raha hota hain or kehta hain.
Rishiraj :- Vaah ! Aaj aisa lag raha hain ki wahi 24 varsh ki yuvati, lakho jawan dilon ki dhadkan or sabke sapne ki rani, joo asal mein meri pattrani hain wahi purani Namrata mere saamne khadi hain sach Nammu tum toh ab bhi utni hi young or pretty lagti hoo ji toh karta hain ki ek baar fir se shaadi kr lein.
Namrata sharmaate huay kehti hain - Dhat ! Ab aisi romantic baatein mat kiya kijiye ab toh aap hmari bachhi ki shaadi k baare mein sochiye na ki apni or haan thanks for the compliment waise aap bhi aaj wahi 26 varsh k handsome naujawan Rishiraj lag rahe hai, tabhi Nidhi aa jaati hain or dono ki nazrein Nidhi pr padti hai or woh Nidhi koo dekhte hi reh jaate hai.
Rishiraj :- Wow ! Come here my cute little princess or Nidhi ek bulawe pr daudi chali aati hain or apne Papa k seene se lag jaati hain.
Namrata :- Wow Nidhi kisi ki nazar na lage kitni beautiful lag rahi hoo laao kaala tika laga doon.
Rishiraj :- Sach ! dekhte hi dekhte meri little princess aaj itni badi hoo gayi ki ab shaadi k layak hoo gayi sach Namrata time kese pankh laga k udd jaata hain pata hi nahin chalta.
Namrata :- Achha ab chalein warna hum late hoo jaayenge wahan guests aana shuru hoo chuke hai or hum toh unke samdhi samdhan hai sabse last hum pahunche toh Vishambhar bhai shrimaan koo shiqayat kaa bahana mil jaayega.
Rishiraj :- Aray haan chalo beta warna pata chala ki woh AK 47 lekar khada hoo gyaa fir bahoot mushkil hoo jaayegi, sabhi is baat pr hans dete hai or nikal padte hai Rathore Mansion k liye.
(Nidhi apne maa papa koo khush dekh chup reh gayi or is time apne or Vishal k jhagde k baare mein kuch na kehna hi better samjha)
(Idhar Rathore Mansion mein lagbhag sabhi mehmaan aa chuke thhay or Vishal bhi apne friends k saath maujood thaa yahan Vishambhar or Ambika dono Ajinkya ki raah dekh rahe thhay tabhi entrance se Agarwal family andar aate nazar aaye or Mr. & Mrs Rathore unka swagat karne pahunche or badi garm joshi se Vishambhar ne Rishi koo gale se laga liya or dusri taraf Ambika or Namrata bhi ek dusray koo hug ki or Nidhi ne Mr. & Mrs Rathore k payr chhuye or aashirwaad liya.)
Ambika :- Sada khush raho or khub tarakki karo, aaj bahoot khubsurat lag rahi hoo arey Nammu meri hone waali bahu koo nazar kaa teeka lagaya ya nahin ??
Namrata :- Khud apni bahu se hi poochh lo.
(Nidhi fake smile k saath sabko dekhe jaa rahi thi or idhar Vishal bhi dur se khada yeh sab kuch dekh or sun raha thaa or man hi man mein bola - Oh God kash jaldi bhaiya aa jaaye or party shuru hoo ab yeh drama mujhse dekha nahin jaa raha)
Rishiraj :- Aray mitr Vishambhar sabhi aa gaye but hamara jaanbaaz Lieutenant kahan hain bhai ??
Namrata :- Aray haan ! Where iss the birthday boy ??
Vishambhar :- Aata hi hoga, tabhi saara mahaul ek dam shaant hoo gyaa or lights off hoo gayi or sabki nigahein seedhiyon se utarte Ajinkya pr padi jahan ek single light ki roshni us pr padd rahi thi jab woh utar raha thaa.
(Lights on huyi or sabse pahle Vishal ne aakar Ajinkya koo hug kiya or bola - Happy Birthday bhaiya and welcome back.
Ajinkya :- Thanks Chhotu kaisa hain tu or tere shows kese chal rahe hai ??
Vishal :- Bilkul first class bhaiya or aap aa gaye hai toh ab or bhi achha hoga, maira agla concert bahoot jald hain aapko usmein aana hi hoga.
Tabhi Vishambhar Ajinkya k saamne aa jaate hai or Vishal se kehte hai agar aap ki baat khatam hoo gayi hoo toh kya mai apne bete koo apne baaki k guests se milwa loon Mr Rockstar.
Vishal bhi talkh lehze mein reply deta hain sure why not Mr Rathore please or raasta deta hain Ajinkya ek pal dono koo dekhta hain or fir apne Papa k payr chhuta hain.
Vishambhar :- God bless you my son aao mai tumhe khaas mehmaano se milata hoon or Ajinkya kaa introduction Rishi or Namrata se karwata hain. Beta yeh hai humare hone waale samdhi samdhan Mr Rishiraj Agarwal & Mrs Namrata Agarwal.
Ajinkya turant jhuk kr unke payr chhuta hain or woh aashirwaad dete hai pr Ajinkya ajeeb se muskaan k saath apni ammi koo dekhta hain toh Ambika kehti hain chinta mat kr Vishal k saas sasur hai tere nahin tab Ajinkya k chehre ki shikan darwaja hoti hain.
Idhar itni hi dair mein Nidhi bina palke jhapkaye bss Ajinkya koo dekhe jaa rahi thi pata nahin kabse but uski nazrein Ajinkya pr se hat hi nahin rahi thi or woh Ajinkya k itni hi dair mein kiye har bartav koo notice kr rahi thi or tabhi Ambika Ajinkya koo saath lekar Nidhi k paas aayi or Nidhi kaa naam pukari.
Nidhi turant apne khayalon se baahar nikli or Ambika ne Ajinkya se Nidhi koo introduce karwaya.
Ambika :- Ajinkya yeh hain Vishal ki hone wali dulhan Nidhi or Nidhi beta yeh hain maira bada beta Ajinkya tumhare Vishal kaa bada bhai achha tum dono baatein karo mai zara apni saheliyon se mil loon or Ambika chali jaati hain.
Ajinkya :- Hello Nidhi I am Ajinkya or haath aage badha deta hain.
Nidhi dhire se Hi kehti huye apna haath aage badhakar Ajinkya k haathon mein deti hain toh usey ek jhatka sa lagta hain or uske jism mein bijli si daud jaati hain or Nidhi ki hardiya(heart) ki dhadkanein tezz hoo jaati hai, woh apne narm mulayam haathon mein Ajinkya k sakht or mazboot haathon ki chhuaan mehsoos karti hain or jhat se apna haath pichhe khinch leti hain.
Ajinkya :- Are u ok Nidhi ?? Kya huaa aapki tabiyat toh theek hain ??
Nidhi hadbadate huay boli - Yeah ! I am fine. fir thodi dair saans lene k baad boli - Happy Birthday.
Ajinkya :- Thank you so much Nidhi muze birthday wish karne k liye bhi or mere chhotu ki life mein aane k liye bhi sach aap bahoot khubsurat hai agar bura na maanein toh kuch maangna chahta hoon aapse.
Nidhi :- Ji maang lijiye waise bhi aaj aapka janamdin hain (smile karte huay Ajinkya koo dekh rahi thi)
Ajinkya :- Nidhi mai aapse pehli baar mil raha hoon I know thoda ajeeb lagega lekin mai aapse apne Vishal kaa zindagi bhar saath nibhane kaa waada chahta hoon dekhiye don't take it in other way mai jaanta hoon ki aap bhi zarur mere bhai koo bahoot pyaar karti hogi lekin mai fir bhi aapse zindagi bhar k liye aapka saath apne Vishal k liye chahta hoon. Aaj mere birthday gift mein muze yahi de dijiye please.
Nidhi soch mein padd gayi ki Ajinkya ne yeh kya maang liya or Ajinkya kaa apne bhai k liye pyaar dekhkar woh bhi Ajinkya se impress hoo gayi uska saara dhyan Vishal k liye maange gaye vaade se hatkar keval(only) or keval(only) Ajinkya ki mahaan shaqshiyat pr thaa woh yeh sab soch hi rahi thi ki Ajinkya dobara bol pada - Kya huaa Nidhi ?? Aap kahan kho gayi aapne suna na mene abhi joo maanga aapse ??
Nidhi :- Haan ji suna mene or Nidhi ne jhat se Ajinkya kaa haath apne haathon mein le liya or boli mai waada karti hoon aapse ki mai hamesha uska saath dungi jise mere hardiya(heart) ne chuna hain mere liye.
Ajinkya :- Oh thank you so much Nidhi ji aapne yeh vaada karke mere hardiya(heart) kaa bojh halka kr diya aap nahin jaanti ki aapne mere is janamdin koo apna yeh vaada muze gift mein dekar isey yaadgaar bnaa diya hain.
Yeh sab chal hi raha hota hain ki Vishal beech mein aakar tokta hain or Ajinkya or Nidhi se kehta hain - Excuse mai aap dono ki baatein khatam hoo gayi hoo toh ab cake kaat lein sabhi wait kr rahe hai chaliye bhaiya aao Nidhi or teeno cake ki taraf chal padte hai or Ajinkya cake cut karta hain or sabse pahle apni ammi koo khilata hain or uske baad sabhi romantic music pr couple dance karte hai ek taraf Mr & Mrs Rathore toh ek taraf Mr & Mrs Agarwal. Wahin Vishal bhi apni ek singer friend k saath dance enjoy kr raha hota hain or Ajinkya dur khada sabko dekh smile kr raha hota hain tabhi Nidhi uske paas aati hain or us se poochhti hain - Ajinkya kya aap maira saath denge dance mein ??
Ajinkya thoda sochta hain or fir haan kr deta hain or Nidhi kaa chehra toh khil uthta hain woh or Ajinkya ek dusray ki baahon mein hote hai or saath mein dance karte hai. Nidhi ek takk lagatar Ajinkya ki aankhon mein aankhein daal uss haseen pal kaa lutf le rahi thi jab woh Ajinkya k saath thi or Ajinkya bhi uski aankhon mein dekhe jaa raha thaa or jab usey Nidhi kaa is tarah usey dekhna uncomfortable lagne laga toh woh us se alag hoo gyaa or bol pada sorry Nidhi lekin muze jaana hoga.
Nidhi ne achanak Ajinkya koo jaate dekh uska haath pakad li or poochh baithi kyun kya huaa ?? Kahan jaa rahein hai aap ??
Ajinkya :- Woh darasal mai thak gyaa hoon safar se aaya toh zyada time bhi nahin mila aaraam karne kaa toh I am leaving now or Ajinkya jaane laga tabhi Ambika ne usey rok liya or apne saath hall k front mein le gayi jahan Namrata Vishal k saath khadi thi or usne Nidhi koo bhi bulaya or Nidhi bhi wahan aa gayi fir Ambika ne bolna shuru kiya.
Ambika :- Ladies & Gentleman jaisa ki aap sab jaante hai ki yeh mere bade bete Ajinkya k 27th birthday kaa celebration thaa jismein aap sabhi aaye aap sab kaa tahey hardiya(heart) se dhanyavad but uske saath saath aaj mai or meri best friend Namrata aaj ek zaruri announcement karne waale hai jise ab Namrata aage badhayengi or microphone Ambika Namrata koo deti hain.
Namrata :- Dear guests jaisa aap sab jaante hai ki meri eklauti beti Nidhi or Mrs Rathore k chhote bete Vishal ki engagement hoo chuki hain but aaj hum isse aage badhkar next level ki oar jaane waale hai matlab yeh ki aaj se theek ek mahine baad meri beti Nidhi or Vishal ki shaadi ki date fix huyi hain or hum dono best friends [Ambika or Namrata] samdhan ban ne waali hai so please give a big hands for this khubsurat couple Vishal & Nidhi.
Yeh sunte hi Vishal or Nidhi dono k chehre kaa rang udd gyaa or poore hall taaliyon ki gadgadahat se goonj utha sab mehmaan dono parivaron koo mubarakbaad dene lage sab Vishal or Nidhi koo congratulate kr rahe thhay or Ajinkya bhi khushi se jhoom utha or aakar Vishal koo galey laga liya or goad mein utha liya.
Nidhi pr toh maano jaise pahaad tut pada hoo or woh shocked reh gayi thi usey bilkul bhi andaaza nahin thaa ki uski ammi or Ambika jis surprise ki baat kr rahi thi woh yeh hoo sakta hain uski aankhein namm hoo aayi or woh ek baar Ajinkya ki taraf dekhi toh woh usey woh bahoot khush nazar aa raha thaa.
Woh dhire dhire apne kadam pichhe badhane lagi or bheed se nikalkar party se bhaag khadi huyi.
Noughty_Kudi
